desescribir

Somos un estudio galego de deseño
gráfico e editorial formado por Cibrán
Rico López e Suso Vázquez Gómez,
ámbolos dous arquitectos de formación.
Polo de agora podes ver unha mostra do
noso traballo en flickr ou en behance.
Tamén nos podes seguir en twitter. Ata
o ano 2010 editamos un blog de deseño
chamado 80magazine que estamos a
repensar. Na primavera do 2012 botamos
a andar un proxecto editorial de nome
Fabulatorio. Dende o ano 2011 somos
socios da DAG.

O cartel que fixemos no 2012 para o
V Premio de Arquitectura Enor foi
premiado cun Laus Plata. A publicación
El jardín en movimiento e os elementos
coordinados para arquia/próxima
recibiron un Laus bronce no ano 2013,
e o poemario kleinigkeiten/cousiñas no
2014. O fotolibro Ostalgia foi galardoado
no D&AD Awards 2014 e recibiu o premio
«Mellor libro de fotografía do ano» na
categoría nacional do PHotoEspaña 2014.
O libro Günther Förg, Verfolgen Malerei
que deseñamos para a Fundación Luís
Seoane foi premiado na categoría de
Book Design nos D&AD Awards 2015.

Desenvolvemos unha labor docente en
materia de deseño editorial no Máster en
Dirección de Arte Publicitario e na Escola
de Estudos Superiores en Deseño Téxtil
e Moda de Galicia, ambos vencellados
á Universidade de Vigo. Tamén a través de
cursos e talleres relacionados co deseño
e a edición coma os realizados no CIDEA,
no P2P e na EASD Ramón Falcón.

Podes poñerte en contacto con nós no
correo desescribir@gmail.com ou nos
teléfonos +34 678 432 691 (Cibrán) e
+34 635 366 039 (Suso).